شريعوفوبيا..

..

هههههه قالك نحبو الأخلاق و العادات تكون مصدر للتّشريع !!

و عطانا مثال باش يفهّمنا أكثر (يعطيه الصحة)، قالك يا سيدي :

الكذب في "أخلاقنا" موش باهي ! هاوكا نولّيو نعملو فصل "يجرّم" كل واحد كذّاب، فيه البركة ! ريتو كيفاه الأخلاق مصدر أساسي للتشريع ؟؟ خير ملي نقعدو ناخذو في الشريعة كمصدر أساسي للتشريع !! تي شبيكم ما تفهموش ؟؟

حمقــــــــــــــــــــــــــــــــــــــــــــــــــــى !!

قالك الكذب موش باهي في أخلاقنا، ياخي ديننا ماحكاش على الكذب؟؟ في إسلامنا الحنيف مافماش حاجة تحكي على الكذب ؟؟؟؟

سيادتك منين تعلّمت إلّي الكذب حرام ؟؟ بالكشي إنت علّمتنا الأخلاق ؟؟؟ أخلاقنا ورثناها من جدودونا ! و جدودنا من عند شكون ورثوها ؟؟ موش من ديننا ؟؟ الحمد لله أنو ديننا هو الي علّمنا أخلاقنا، ولاّ رانا توّة كي جماعة أعتقني، الحمد لله على نعمة الإسلام و على نعمة العقل، الحمد لله يا رب..

و ياااااااا ربي يهديكم و يتوب عليكم و يثبّتنا أمام هذا الكم الهائل من الغباء الذي أخشى أن ينعكس علينا يوما..

ألم يقل رسولنا عليه أفضل الصلاة و السلام : عليكم بالصدق فان الصدق يهدي الى البر و ان البر يهدي الى الجنة وما يزال الرجل يصدق ويتحرى الصدق حتى يكتب عند الله صديقا و اياكم و الكذب فان الكذب يهدي الى الفجور و ان الفجور يهدي الى النار و ما يزال الرجل يكذب و يتحرى الكذب حتى يكتب عند الله كذابا. ؟؟؟

ألم يقل الله عزّ و جلّ في كتابه العظيم :

فَمَنِ افْتَرَىَ عَلَى اللّهِ الْكَذِبَ مِن بَعْدِ ذَلِكَ فَأُوْلَئِكَ هُمُ الظَّالِمُونَ [آل عمران : 94 ] .

انظُرْ كَيفَ يَفْتَرُونَ عَلَى اللّهِ الكَذِبَ وَكَفَى بِهِ إِثْمًا مُّبِينًا [ النساء : 50 ] .

وَلَقَدْ بَعَثْنَا فِي كُلِّ أُمَّةٍ رَّسُولاً أَنِ اعْبُدُواْ اللّهَ وَاجْتَنِبُواْ الطَّاغُوتَ فَمِنْهُم مَّنْ هَدَى اللّهُ وَمِنْهُم مَّنْ حَقَّتْ عَلَيْهِ الضَّلالَةُ فَسِيرُواْ فِي الأَرْضِ فَانظُرُواْ كَيْفَ كَانَ عَاقِبَةُ الْمُكَذِّبِينَ [ النحل : 36 ] .

وَجَآؤُوا عَلَى قَمِيصِهِ بِدَمٍ كَذِبٍ قَالَ بَلْ سَوَّلَتْ لَكُمْ أَنفُسُكُمْ أَمْرًا فَصَبْرٌ جَمِيلٌ وَاللّهُ الْمُسْتَعَانُ عَلَى مَا تَصِفُونَ [ يوسف : 18 ] .

إِنَّا قَدْ أُوحِيَ إِلَيْنَا أَنَّ الْعَذَابَ عَلَى مَن كَذَّبَ وَتَوَلَّى [ طه : 48 ] 

يزّيك برّة حل كتاب القرآن و أعمل طلّة، أما اغتسل قبل ما تمسّوا..

و شنيّة هذه العادات التي باش تكون مصدر لصياغة الدستور ؟؟؟

يا ناري عليك يا تونس !!

هههههههههه يعني نعملو فصل نقولو فيه: كل نهار جمعة يلزم نعملو حضرة عند سي فلان، و الي ما يمشيش يعتبر مجرم !

عاداتنا ؟؟؟ إلي و للأسف أغلب ما يتعلّق بديننا فيها هو من البدع ؟؟

عاداتنا الي تقول (عند البعض إذا موش الأغلبية) بـ "عبادة" الأولياء الصالحين و العياذ بالله ؟؟ تلك الممارسات التي، و إن كانت عن حسن نيّة و عن جهل الكثيرين منهم، ممارسات يندى لها الجبين؟؟ العادات التي تحدّثت عليها إحدى "السيّدات" على قناة نقمة و قاتلك : اي شبيه كي نمشيو لـ "سي فلان" و "سي فلتان"، الكلها عاداتنا و تقاليدنا يلزمنا نحترموها !! 

نقلكم يا سيّدتي و يا سيّدي، عاداتنا و تقاليدنا على عيننا و راسنا، عاداتنا و تقاليدنا نحترموها و نقدّروها، من لباس و أكل، عاداتنا نحتفظو بما هو جيّد منها و نصلحو ماهو غير سيّء و كل ما فيه بدعة (عن حسن نيّة و عن جهل)..

ملا باش أحنا شباب النّهضة؟؟؟ (فمّة شكون باش ينسى الكلام الكل و يولّي يحكيلي على النّهضة) مالا باش أحنا شباب الصّحوة ؟؟؟

تحبوا تخليونا أسرى لهذه العادات، إلي و للأسف بعدتنا برشة على ديننا و خاصّة في المناطق الريفية، الي في عوض ما يدعي يا رب أرزقني، يقلّك : يا سيدي فلان أرزقني..

"عاداتنا" هي الغناية الجديدة الي وليتو تغنيولنا فيها..

منين تعرفوها إنتوما عاداتنا ؟؟؟ 

توّة وليتو تحكيو على العادات ؟؟؟ موش من عاداتنا ذلك "النّقاب" الي كانت المرا تلبسو و نحّاهولها بورقيبة متاعكم ؟؟؟

أناهي عادات تحكيو عليها و إنتوما الي عريتو المرا و الرّاجل ؟؟؟

السراول الطايحة الي تسكي لربّي و تقلّك يرحم بوك هزّني ؟؟؟

فيني العادات الي تقولو عليها ؟؟

يا سيدي أنا نقول اللغة العربية من عاداتنا ؟؟؟ فيني اللغة العربية الي نسيتوها و حكيتو بالفغونسي متاعكم ؟؟؟

 ولا عادات فرض و عادات سنّة ؟؟

عادات و تقاليد ؟؟ شمّاعة جديدة صنعتوها باش تعلّقو عليها غسيلكم المسّخ..

وقت كان الشّيخ وجدي غنيم بحذانا ولّيتولنا الكل زيتونيين، و توّة كي قلنا نحبّو الشريعة هي مصدر أساسي للتّشريع، جبدتولنا حكاية العادات و التقاليد ؟؟

خايفين على فصل الزواج المثلي يتحرّم ؟؟

خايفين يتفرّقوا كوبلواتكم ؟؟ 

برّا يعطيكم فضيحة فضحتونا !

المجلس التأسيسي رجّعتوه ماخور، ربّي يستر على ولايانا و على شبابنا و على أطفالنا !!

ملا دودة قاعدة تنخر في المجتمع هذه !!

إنتوما تحبّو تحكمونا ؟؟ إنتوما تحبّونا ننتخبوكم ؟؟

و إن شاء الله واحد يقلّي تبندر للنّهضة !!

خاطر كان تحلّو عينيكم مليح و تشوفو عمايلكم و تشوفو المجتمع الي مازالت فيه الحشمة و مازال فيه الحياء، و مازالت العايلات المحافظة و مازالت ولاد و بنات العايلات، راكم ما قلتوش الشيء هذا..

لا إله إلاّ الله سيّدنا محمّد رسول الله..

اللهم لا تؤاخذنا بما فعل السّفهاء منا..